قوه مصرفي الكتله الصلبه - سند الحكومة و القياده
بقلم - عطية رجاء
الكتلة الصلبة هى عبارة عن (كتلة ثابتة) تقارب حوالي (٢٣ مليون) مواطن مصري بالغ من غير اولادهم و الكتلة الصلبة دي بتتحرك مع الدولة المصرية في كل استحقاقاتها الشعبية و الدستورية (ثورة .. تفويض .. استفتاء دستور .. انتخابات) و تتكون الكتلة الصلبة دي من مختلف طبقات و شرائح المجتمع .ففيها اساتذة جامعة و فلاحين .. دكاترة و حرفيين وعمال وشباب .. طلبة و كبار عالمعاش .. ستات بيوت و بنات .. مسلمين و مسيحيين .. رجال دين و فنانين و الكتلة الصلبة هي الأكثر وعيا بمقومات الدولة و مفهومها .. فاهمة يعني إيه دولة .. يعني إيه جيش .. يعني إيه شرطة .. يعني إيه مؤسسات .الكتلة الصلبة ناضجة وواعية سياسيا .. مدركة لحجم المؤامرات اللي بتحاك ضد بلدها و عندها قدرة على الفرز بين ما هو وطني و ما هو غير وطني ..الكتلة الصلبة اتشتمت كتير و اتهانت كتير و اتقال عليها كلام كتير .. عبيد بيادة .. انقلابيين .. مطبلاتية .. معر*ين .. رقاصات .. أعداء إسلام و دين .. و اكتر من كدة بكتير ..الكتلة الصلبة بتواجه كل أعداء الدولة المصرية بحسم فى كل مراحل ضعف الدولة المصرية بصبر و بدون أي تعب أو كلل و بتتبع سياسة النفس الطويل..الكتلة الصلبة لو وقعت أو تآكلت أو فقدت تماسكها البلد دي كلها حتقع لإنها محور ارتكاز الدولة المصرية في عمقها و كيانها ووجودها .. الكتلة الصلبة هي التي سندت البلد و هي اللي قومتها تاني و هي اللي حتكمِّل .. الكتلة الصلبة بكل بساطة (صمام أمان) الدولة
ليست هناك تعليقات:
إرسال تعليق