متضيعش فرصه عمرك البلد دي هتقوم على حيلها وهتصعد وهتنمو وهتتفوق .. بينا او من غيرنا هيحصل.. بهذا النظام السياسي او بهذا الجيل او باللي بعده هيحصل.. الحتمية التاريخية ماشية في الاتجاه ده بكل ادواتها.. دلوقتي عندنا اختيارين مفيش غيرهم .. اما اننا نتشرف بإننا نبقى طرف في البناء والصعود والتفوق ويتسجل في التاريخ اننا قومنا بالدور ده.. اما اننا نفضل مصدقين ضلالات ان مفيش فايدة وانها بلد منهارة وضياع في ضياع وكلام المبرشمين ده.. وفي الحالة دي التاريخ هيتجاوزنا للجيل التالي عادي جدا ولا كأننا كنا موجودين .. اختيار بين شرف الحضور والمشاركة وبين المجهولية ..البلد دي عايزة عمال وفلاحين وجنود وفنانين ومبدعين ومهندسين واطباء ورجال اعمال شرفاء وغيرهم كتير كل واحد في موقعه وتخصصه.. بس لازم كل واحد يبقى بيعمل شغله وهو عارف جواه انه بيعمله كمشاركة منه في شرف بناء الوطن.. لا هو سبوبة ولا هو سد خانة ولا هو تقضية واجب ولا هو على اد فلوسكم ولا هو خدمة لمسؤول ولا لهيئة.. إشتغل وانت عارف انك بتشتغل في بلدك اللي هي بيتك واهلك ومستقبل عيالك اللي هييجي يوم هيشوفوا اسمك في لوحة شرف الرجال الذين بنوا وطنهم ولم يتخاذلوا عن هذه الفرصة..
ليست هناك تعليقات:
إرسال تعليق